2011, ജൂലൈ 9

ഞാന്‍ ആണ് ഡോക്ടര്

ജോലി തിരക്ക് മൂലം അല്‍പ നാളുകള്‍ക്കു ശേഷം വീണ്ടും ഈ വഴി ഞാന്‍ വരുകയാണ്. ഒരു ബാംഗ്ലൂര്‍ യാത്ര കഴിഞ്ഞു വന്ന എനിക്ക് ചെറിയ പനി പിടിച്ചു. ലീവ് എടുത്തു ഒന്ന് വിശ്രമിക്കാം എന്ന് കരുതിയെങ്കിലും ടീമില്‍ ആള്‍ക്കാര്‍ കുറവായതിനാല്‍ എനിക്ക് ഓഫീസില്‍ വരേണ്ടി വന്നു. പക്ഷേ ഇവിടേ വന്നു ഇരുന്നപ്പോലെക്കും പണി വഷളാകാന്‍ തുടങ്ങി. കാല്‍പോള്‍ കഴിച്ചിട്ട് പണിക്കു ഒരു കുറവും ഇല്ല. ക്യാമ്പസില്‍ ഒരു ഡോക്ടര്‍ ഉണ്ടന്ന് കേട്ടിടുണ്ട്. ഇതുവരെ അങ്ങോട്ട്‌ പോകേണ്ടി വന്നിട്ടില്ല. പക്ഷേ ഈ പണിയും വെച്ച് ഇരുന്ന ചിലപ്പോ കട്ട പണി കിട്ടും. അധികം പണി ഇല്ലാത്ത ഒരു സമയം നോക്കി ഞാന്‍ ഡോക്ടറിനെ കാണാന്‍ പോയി.

ഡോക്ടര്‍ ഇരിക്കുന സ്ഥലം അന്വേഷിച്ചു അറിഞ്ഞു. ഞാന്‍ അവിടേ എത്തിയപ്പോ ഒരു മേശയുടെ അപ്പുറത്ത് ഒരാള്‍ ഇരിക്കുന്നു. മേശയുടെ ഒരു വശത്ത് ഷൂസും മറുവശത്ത് സോക്കും കിടക്കുന്നു. ആ ഇരുപ്പു കണ്ടിട്ട് ഇയാള്‍ തന്നെ ആണോ ഡോക്ടര്‍ എന്ന് എനിക്ക് സംശയമായി. സംശയനിവാരനതിനായി ഞാന്‍ ചോദിച്ചു "ഡോക്ടര്‍??". "ഞാന്‍ ആണ് ഡോക്ടര്‍" എന്ന് ആ പുള്ളി മറുപടിയും പറഞ്ഞു. എന്നിട്ടും എനിക്ക് ഒരു വിശ്വാസം വന്നില്ല എന്ന് അയാള്‍ക്ക് തോന്നിയിട്ടാകും അയാള്‍ തന്‍റെ നെയിംപ്ലേറ്റ് ഉയര്‍ത്തി കാണിച്ചു. ഡോക്ടര്‍ പാര്‍തസാരതി,അത്ര മാത്രം നാട്ടില്‍ കാണുന്നപോലെ എം.ബി.ബി.എസ്,എഫ്.ആര്‍.സി.എസ് എന്നാ വാല്‍ ഒന്നുമില്ല.ഇവിടേ അങ്ങനെ ഒന്നും ഇടരില്ലയിരിക്കും. എന്തെങ്കിലും ആകട്ടെ. ഞാന്‍ പണിയാന്നും, ജലദോഷവും തലവേദനയും ഉണ്ടന്നും ഒകെ പുള്ളിയോട് പറഞ്ഞു. ഞാന്‍ ഈ പറയുന്നതോകെ പുള്ളി ഒരു കടലാസ്സില്‍ എഴുതി വെക്കുന്നുണ്ട്. ഞാന്‍ പറഞ്ഞു കഴിഞ്ഞപ്പോ അയാള്‍ തൊട്ടടുത്ത ഷെല്‍ഫില്‍ നിന്നും ഓരോ ഓരോ ഡപ്പികളില്‍ നിന്നും മരുന്നുകള്‍ എടുക്കാന്‍ തുടങ്ങി. ഡപ്പികളില്‍ 'പനി','ജലദോഷം','തലവേദന' എന്ന് ഇങ്ങനെ എഴുതി വെച്ചിട്ടുണ്ട്. എടുത്ത മരുന്ന് ഒരു കവറില്‍ ഇട്ടു എനിക്ക് തന്നു."ഇത് കഴിച്ചാല്‍ മാറിക്കോളും" എന്ന് പറഞ്ഞു.

കിട്ടിയ മരുന്നും വാങ്ങി ഞാന്‍ തിരിച്ചു പോന്നു. പക്ഷേ ആ മരുന്ന് കഴിച്ചിട്ടും ഒരു രക്ഷയുമില്ല. അവസാനം ഒരു ഗതിയുമില്ലാതെ ഞാന്‍ ഹാഫ് ഡേ ലീവും എടുത്തു അടുത്തുള്ള ഹോസ്പിറ്റലില്‍ പോയി. അവിടേ പോയി ഒരു ഇന്‍ജേക്ഷന്‍ എടുത്തപ്പോ അല്‍പ്പം സുഗമായി. തിരിച്ചു റൂമില്‍ എത്തിയ ഞാന്‍ എന്‍റെ കൂട്ടുകാരനോട് ക്യാമ്പസ്സിലെ ഡോക്ടറിനെ കുറിച്ച് ചോദിച്ചു. "നീ ആ പുള്ളി തന്ന മരുന്ന് വല്ലോം കഴിച്ചോ?? കഴിഞ്ഞ ആഴ്ച എന്‍റെ ടീമില്‍ ഉള്ള ഒരുത്തന്‍ പനിക്ക് പുള്ളിയുടെ കയ്യില്‍ നിന്ന് മരുന്ന് വാങ്ങി കഴിച്ച ശേഷം ആകപാടെ ഒരു ഞെഞ്ഞെരിച്ചില്‍ ആയിരിന്നു"അവന്‍ പറഞ്ഞു.

2 അഭിപ്രായങ്ങൾ:

ചെറുത്* പറഞ്ഞു...

അല്പം വായനയുടെ കുറവുണ്ടെന്ന് തോന്നുന്നു. എഴുത്തിലൊരു വായനാസുഖം അനുഭവപെടുന്നില്ല വിബി. നല്ല വിഷയങ്ങളുമായി വീണ്ടും കാണാം :)

വിബിച്ചായന്‍ പറഞ്ഞു...

കുറച്ചു നാള്‍ ആയി ബ്ലോഗ്‌ എഴുത്തും വായനയും ഇല്ലഞ്ഞത് മൂലം വിചാരിച്ച പോലെ ഈ സംഭവം എഴുതാന്‍ കഴിഞ്ഞില്ല എന്നതാണ് സത്യം...